Mentrau Iaith Cymru
Cyfarfod Cyffredinol
Canolfan Merched y Wawr, Aberystwyth
11.00yb, 29ain Ionawr 2010
Agenda
1. Croeso Cadeirydd
2. Ymddiheuriadau
3. Cofnodion Cyfarfod Blynyddol 2008
4. Adroddiad Blynyddol 2008-09
5. Adroddiad Ariannol 2008-09
6. Ethol bwrdd cyfarwyddwyr
7. Ethol Swyddogion
- Cadeirydd
- Is-Gadeirydd
- Ysgrifennydd
- Trysorydd
8. Statws Elusennol y Cwmni
9. Dyddiad y cyfarfod nesaf
Yn

Mae Brwydr y Bandiau yn ôl, ac yn fwy nac erioed! Mae Mentrau Iaith Cymru ac C2 yn chwilio am dalent newydd Cymru!

Mae'r gystadleuaeth yn cael ei chynnal ar y cyd rhwng Mentrau Iaith Cymru ac C2 Radio Cymru, ac yn un o'r cystadleuaethau pwysicaf yn y sîn gerddoriaeth yng Nghymru i ddarganfod talent y dyfodol. Caiff bandiau neu artistiaid o unrhyw arddull gystadlu, cyn belled a'u bod yn gymwys i wneud hynny yn unol a'r rheolau.

Bydd y gystadleuaeth yn cael ei chynnal ddechrau 2010, ac os ydych chi am gystadlu bydd angen i chi ddatgan eich diddordeb cyn hynny. Mae rheolau cystadleuaeth 2010 yn y broses o gael eu cadarnhau ar hyn o bryd, felly dewch yn ol yn fuan am y rheolau llawn.

Os ydych yn awyddus i gystadlu, neu os oes gennych unrhyw gwestiynau pellach, cysylltwch gyda’ch Menter Iaith lleol.

Gwybodaeth gan C2: http://www.bbc.co.uk/radiocymru/c2/safle/ brwydrybandiau/2010.shtml

Mae nifer o Fentrau Iaith ar draws Cymru yn trefnu cyfres o weithgareddau dros gyfnod o benwythnos neu wythnos i hybu'r iaith Gymraeg yn yr ardaloedd.
Ymhlith y gwyliau hyn mae
Tafwyl yn Nghaerdydd Tafwyl

Bedroc ym Merthyr

Gwyl Cefni Ynys Môn

Gŵyl Bro Dinefwr

Cynhadledd Undydd. 3 Mehefin, Canolfan Merched y Wawr, Aberystwyth. 10.00 y bore hyd 3.30 y pnawn.

Dyma amcanion y cynllun;
• Creu cyfleoedd i Gymdeithasu trwy’r Gymraeg yn y Wladfa
• Creu cyfleoedd i unigolion o’r Wladfa i astudio a gweithio yng Nghymru.
• Creu cyfleoedd i unigolion o Gymru wneud gwaith Gwirfoddol yn y Wladfa efo’r Cynllun Dysgu Cymraeg ac efo’r Fenter Iaith.
• Magu cysylltiadau, datblygu cyfleoedd sy’n cryfhau’r Gymraeg yn y Wladfa a Chymru.
Mae’r cynllun ar fin dechrau ei ail flwyddyn ac rydym yn awyddus i drafod datblygu’r cynllun i’w lawn botensial.

Cyfle i drafod y cynllun ac datblygu syniadau.

Bydd agenda a siaradwyr yn cael eu cadarnhau yn fuan.

Os hoffwch fynychu cysylltwch efo iwan@menteriaithconwy.cymru247.net

Mae Menter Patagonia am gyflogi person i weithio yn y Wladfa.

Swydd ddisgrifiad a gwybodaeth yma >> Disgrifiad

Roedd Mentrau Iaith Cymru wedi cynnal stondinau yn y Sioe Amaethyddol yn Llanelwedd ac yn Eisteddfod Genedlaethol y Bala. Trefnwyd nifer o ddigwyddiadau yn ystod yr wythnos i dynnu sylw at weithgarwch y mentrau iaith

Mae Mentrau Iaith Cymru wedi cyhoeddi taflen newydd sy'n rhestru'r holl fentrau yng Nghymru. Lansiwyd y daflen yn Eisteddfod yr Urdd gyda Ceri Morgan o Bwyllgor Gwaith MIC yn cyflwyno copi i Sian Lewis, Menter Caerdydd.

Mae Deddf yr Iaith Gymraeg 1993 yn rhoi dyletswydd ar gyrff cyhoeddus i drin y Gymraeg a’r Saesneg ar y sail eu bod yn gyfartal wrth gynnig gwasanaethau i’r cyhoedd yng Nghymru. Rhoddir dyletswydd ar y cyrff hynny i baratoi cynlluniau iaith Gymraeg sy’n egluro pa wasanaethau a gynigir yn y Gymraeg, sut a phryd.
Yn ogystal mae’r Ddeddf yn gosod proses sy’n caniatáu i aelodau’r cyhoedd gwyno am ddiffyg gwasanaethau Cymraeg gan gyrff sydd â chynlluniau Iaith Gymraeg.
Mae polisi cyhoeddus yng Nghymru’n mynnu bod darparwyr gwasanaethau’n cynllunio gwasanaethau yn seiliedig ar anghenion y defnyddiwr, gan ystyried yn llawn llais y dinesydd wrth ddatblygu gwasanaethau. Amcan y Bwrdd yw sicrhau llais cryf i siaradwyr Cymraeg o fewn cynllunio gwasanaethau cyhoeddus yng Nghymru. Un ffordd o gyflawni hyn yw rhoi cyfle i siaradwyr Cymraeg ddweud eu dweud am wasanaethau Cymraeg, a hynny drwy gynyddu ymwybyddiaeth am y drefn statudol ar gyfer cwyno am ddiffyg gwasanaeth Cymraeg.
Yn ddiweddar cynhyrchodd BYIG lyfryn cwynion sy’n egluro pa wasanaethau y gellir disgwyl eu derbyn yn Gymraeg a sut i gwyno am ddiffyg y gwasanaethau hynny. Eglurir hefyd y cymorth sydd ar gael gan Fwrdd yr Iaith Gymraeg i unigolion sy’n cael trafferth cael gwasanaeth Cymraeg. Ar yr un pryd cyhoeddwyd gwybodaeth ar wefan y Bwrdd am y drefn cwyno am ddiffyg gwasanaeth Cymraeg, yn ogystal â ffurflen electronig syml y gellir ei defnyddio er mwyn cyflwyno cwyn i’r Bwrdd. Mae copïau o’r llyfryn ar gael yn rhad ac am ddim.
Gellir unai gwneud cais am gopïau caled o’r pecyn drwy gysylltu â’r Bwrdd neu mae’r pecyn ar gael yn electronig ar y wefan:
http://www.byig-wlb.org.uk/Cymraeg/gwas anaethau/
Pages/SutigwynoamddiffyggwasanaethCymra eg.aspx