(37 awr yr wythnos – Cytundeb dros dro hyd at 31 Hydref 2013)
Cyflog £24,646 - £26,276 + Cyfraniad Pensiwn
Mae Menter Iaith Maelor yn chwilio am berson brwdfrydig a llawn cymhelliant iweithio mewn tîm bychan yn ei swyddfa yn Wrecsam. Bydd y person a benodir yngyfrifol am roi cyngor a chefnogaeth i fusnesau bychain yn ardal wledig y sir i ddatblygu eu defnydd o’r Gymraeg.
Am ffurflen gais neu ragor o fanylion cysylltwch â Gwawr Cordiner a’r 01352 744040 neu busnes@menteriaithmaelor.org
Dyddiad Cau: Dydd Gwener 3ydd Chwefror 2012
www.mentrauiaith-gogledd.com
Ariennir y swydd hon yn rhannol drwy Gynllun Datblygu Gwledig i Gymru 2007- 2013 a gylludwyd gan Lywodraeth Cymru a’r Undeb

Yn ystod mis Hydref 2011 bu criw o 20 o bobl ifanc o Ogledd Cymru ar daith i Patagonia gyda Mentrau Iaith Cymru ar Urdd.

Cychwynnodd y daith yn yr Andes lle roedd Iwan Madog, swyddog menter Patagonia yr ardal, wedi paratoi rhaglen o weithgareddau iddyn nhw eu gwneud. Buont yn plannu blodau, paentio a thacluso tu allan i’r Ysgol Gymraeg yn Trevelin, yn Esquel buont yn cynnal ffair Wanwyn ble roedd y bobl ifanc yn gyfrifol am weithgareddau gwahanol ee gwneud cacennau, chwarae gemau, darllen, paentio wynebau a chanu gyda trigolion Cymraeg yr Andes. Cwrddasant â llawer o bobl hŷn yr ardal a oedd yn siarad Cymraeg ac aethant am baned i gael sgwrsio gyda hwy yn eu tai. Dywedodd Anest Evans o Goleg Meirion Dwyfor:

“Neis oedd cael cymdeithasu gyda pobl Cymraeg ochr arall y byd. Profiad anhygoel.”

Yna ymlaen ir Dyffryn lle roedd Lois Dafydd, swyddog menter Patagonia yn yr ardal, y tro yma wedi paratoi gweithgareddau ar eu cyfer. Roeddent yn cymysgu gyda pobl ifanc o goleg Camwy ac yn gwirfoddoli yn yr Ysgol Feithrin Gymraeg yno. Buont i weld Pengwiniaid i Puerto Tombo gyda Ysgol Gymraeg yr Hendre, ac ar y ffordd yn ôl i’r Gaiman roeddent yn mynd o amgylch capeli bychain i ganu ychydig o eitemau i ddiddanu pobl yr ardal. Roedd hi’n gyfnod prysur yn y Dyffryn gan fod yr Eisteddfod yn Trelew tra roeddent yno. Cyfle gwych oedd hyn iddynt gyfarfod llawer o bobl Cymraeg Patagonia, roedd yr Orsedd yn wahanol i’r Orsedd yma yng Nghymru ond roedd yn gartrefol iawn. Roeddent wedi bod yn rhoi help llaw i’r gymuned baratoi y te ar gyfer pobl ar ôl i’r orsedd ddod i ben, a bu rhai yn gosod cadeiriau ar gyfer y cylch.

Roedd llawer ar y daith yn cystadlu yn yr Eisteddfod a bu Sian Miriam, Bethany Celyn a Steffan Rhys Hughes yn llwyddiannus iawn. Dywedodd Bethany Celyn o Ysgol Glan Clwyd:

“Anhygoel profi yr Eisteddfod yn Sbaeneg yn ogystal a Chymraeg a chael blas ar ddiwylliant cerddorol yr Ariannin.”
Fe gafodd y côr wobrau hefyd ond ni wnaethant gipio y wobr gyntaf y tro hwn! Wedi’r Eisteddfod buont yn canu gyda chôr yr Ysgol Gerdd yn y Gaimain ,yn ystod y Gymanfa. Roedd hyn yn brofiad gan eu bod yn canu yn Sbaeneg ac yn Gymraeg.

Taith y bydd y bobl ifanc i gyd yn ei gofio am byth oedd y daith yma ac maent i gyd eisiau diolch i holl staff y Mentrau ar Urdd bu ar y daith gyda hwy, a hefyd maent yn diolch i bawb yn Patagonia am y croeso cynnes a dderbyniwyd ganddynt.

Mae nifer o swyddogion Mentrau Iaith wedi mynd i Wlad y Basg i weld y camau sy'n cael eu cymeryd i ddatblygu'r iaith yno.

(37 awr yr wythnos, swydd tymor penodedig hyd at
fis Rhagfyr 2013)

Ar dân dros y Gymraeg? Mae Menter Iaith Conwy angen unigolyn brwdfrydig i weithio fel rhan o’n tîm yn ein swyddfa yn Llanrwst. Bydd y sawl a benodir yn gyfrifol am godi ymwybyddiaeth o’r iaith, hanes, treftadaeth a’r diwylliant Gymraeg trwy brosiectau amrywiol yng Nghonwy Wledig.

Graddfa Cyflog: Oddeutu £20,000 y flwyddyn

Am sgwrs bellach a manylion, cysylltwch â
Menter Iaith Conwy ar (01492) 642357

Cais drwy CV a llythyr.
Dyddiad cau: 10fed o Chwefror 2012

http://www.mentrauiaith.com/cymraeg/swy ddi.php

(This is an advertisement for the post of Conwy Rural Officer for which the ability to communicate in Welsh and English is essential)

Gweithgaredd mentrau iaith 2009-2010
Ffeithiau
22 Menter Iaith yng Nghymru

Dros 280 o aelodau staff
Dros 1,300 o wirfoddolwyr yn cydweithio gyda’r Mentrau Iaith
Cynnal dros 13,000 o weithgareddau cymunedol y flwyddyn
Dros 160,000 o gyfranogwyr

Gwerth am Arian
Rhwng y Mentrau, maent yn derbyn grantiau o £1,498,983 gan Lywodraeth Cymru drwy Fwrdd yr Iaith Gymraeg.
Mae’r Mentrau yn codi £2,138,572 o ffynhonnell eraill, sydd yn golygu fod cyfraniad Bwrdd yr Iaith yn 41% o gyfanswm incwm y Mentrau.
[Yr uchod yn seliedig ar ffigyrau 2009-2010]

Mae'r ffigurau y Cynulliad sy'n sail i holl gynlluniau datblygu lleol (cynghorhau Sir) yn llawer rhy uchel ac yn cynllunio am fewnlifiad.
Cefnogwch y ddeiseb ar wefan y Cynulliad.

Cliciwch yma >> Deiseb

’Galwn ar Gynulliad Cenedlaethol Cymru i annog Llywodraeth Cymru i adalw’r holl Gynlluniau Datblygu Lleol ledled Cymru ac i roi’r gorau i ddefnyddio amcanestyniadau poblogaeth a gyhoeddir gan y Gyfarwyddiaeth Ystadegau ac a ddefnyddir i chwyddo niferoedd y tai mewn cynlluniau datblygu lleol. Galwn am i’r holl CDLl, waeth pa mor bell maent wedi cyrraedd, gael eu hatal ar unwaith er mwyn i lefel y twf mewn tai gyd-fynd ag anghenion lleol gwirioneddol.

Rydym ni sydd wedi llofnodi isod o’r farn fod yr holl CDLl sy’n cael eu llywio gan amcanestyniadau poblogaeth Llywodraeth Cymru heb eu hystyried yn fanwl, eu bod yn sylfaenol wallus ac yn niweidiol i gymunedau Cymru.

Nid yw’r math hwn o gynllunio yn gynaliadwy, ac nid oes ar bobl Cymru mo’i angen na’i eisiau. Er mwyn atal y niwed sydd eisoes yn cael ei wneud, ac i atal niwed a dinistr pellach na ellir eu gwrthdroi yn ein cymunedau, ein hamgylchedd a’n hunaniaeth ledled Cymru, apeliwn ar Lywodraeth Cymru i ymyrryd ar unwaith.’