Mentrau yn yr Eisteddfod

Ewch draw i babell Mentrau Iaith Cymru a Menter Caerdydd yn yr Eisteddfod. Bydd croeso i chi yno.

Penwythnos Antur i Ddysgwyr Cymraeg

10/10/08—12/10/08
Caban Gerlan, Bethesda
• Llety am 2 noson
• Pob pryd bwyd am y penwythnos
• Tiwtor Cymraeg proffesiynol
• Dau ddiwrnod o weithgareddau awyr
agored
Am fwy o fanylion cysylltwch â Menter Iaith Conwy ar 01492 642357 neu edrychwch ar wefan Gwyliau Cymraeg www.gwyliaucymraeg.co.uk

Cynhadledd Mudiadau Dathlu'r Gymraeg 2008

Ar ran Mudiadau Dathlu'r Gymraeg, hoffwn eich gwahodd i ymuno mewn cynhadledd arbennig a gynhelir yng Nghanolfan yr Urdd, Bae Caerdydd ar ddydd Mawrth, 15fed o Orffenaf 2008. Bydd y diwrnod yn cychwyn am 10.30am, gyda'n siaradwyr gwadd, Colin Williams, Elin Haf Gruffudd Jones, Glyn Roberts a Elin Maher a'r Gweinidog Rhodri Glyn Thomas yn annerch, a Cynog Dafis yn cadeirio. Bydd lluniaeth yn cael ei ddarparu, felly gofynnwn i bawb fydd am ddod i gyfrannu at y costau yma, trwy dal o £25 yn daladwy i Mudiadau Dathlu'r Gymraeg. Bydd y diwrnod yn dod i ben erbyn 3.30pm.

Sefydlwyd Mudiadau Dathlu'r Gymraeg, sy'n cynnwys 16 mudiad Cenedlaethol, yn Haf 2007 i gyd-weithio ar wthio datblygiadau ym maes y Gymraeg yn rhaglen Llywodraeth Cynulliad Cymru. Mi fydd y Gynhadledd yn canolbwyntio ar sut fedrwn bwyso ar ddatblygu camau i sicrhau hawliau cydradd i'r Gymraeg o fewn Cymru.

Byddwn yn ddiolchgar os gwnewch gysylltu â'r cyfeiriad isod erbyn y 2il o Orfennaf ynghyd a'r tâl. Mae croeso i chi wahodd cyfeillion fyddai â diddordeb yn y gynhadledd. Gobeithiaf yn fawr y medrwn eich croesawu i Gynhadledd gyntaf Mudiadau Dathlu'r Gymraeg ym mis Gorffennaf.

Sioned Haf
Mudiadau Dathlu'r Gymraeg
Pen Roc, Rhodfa'r Mor
Aberystwyth
SY23 2AZ
gwybodaethmdg@gmail.com